Ӱдырамаш-влак шукыж годым кузе гына марлан кайышаш ыле манын тургыжланат. Азапше тушто: мемнан спектакльысе героине-влак, мӧҥгешла, ешым погаш йӧршеш тореш улыт. Тыгай лийын огеш керт, маныда? Пашаже туштак шол, илышыште тыгай веле огыл лиеда. Кеч-мо гынат аваж ден ӱдыржӧ, икте-весым чоян ондалаш могай гына йӧным шонен огыт лук. Могай гына «качым» огыт кондо пачерышкышт палыме лияш. Шинчаваш уждеак, эше йодыт: «Ну, кузерак тудо тылат?» Чынжымак, ала шорташ, ала воштылаш?
